URM

Paracentrotus lividus

Descrición

Paracentrotus lividus (Lamarck, 1816). O ourizo é de cor escura, con tendencia ás cores negra, verde e violeta. Ten unhas púas robustas e aguzadas que, ao caeren, deixan ver un corpo dividido en grupos de placas. O corpo do ourizo non é totalmente esférico, senón que está algo achatado polas zonas da boca e do ano. As gónadas femininas son de cor amarela forte ou alaranxadas; as masculinas, amarela clara ou parda.

Modo de pesca

Captúrase mediante mergullo profesional semiautónomo, dentro de plans de explotación específicos aprobados pola Administración. O problema biolóxico no caso desta especie radica en que a súa época de comida coincide xusto coas semanas anteriores á posta dos ovos. De aí a necesidade de controlar severamente as extraccións.

Principais magnitudes

Evolución da primeira venda de pesca fresca da especie Ourizo en Galicia

Principais lonxas con vendas de pesca fresca de Ourizo en Galicia no 2023